Bakıda Rəqəmsal İnkişaf Agentliyi tərəfindən “29 İqlim Söhbəti: COP29-a gedən yol” mövzusunda beynəlxalq tədbir keçirilib. Tədbirdə dünyanın hər yerindən uğurlu modellər və strategiyalar nümayiş etdirilərək rəqəmsal transformasiya və ekoloji davamlılığın kəsişməsi araşdırılıb. Bundan əlavə, dövlət xidmətlərinin göstərilməsinin təkmilləşdirilməsi, inklüziv inkişafın təşviqi və hesabatlılığın artırılması kimi rəqəmsallaşmanın sosial-iqtisadi faydalarına toxunulub.