Bakıda vaxtilə təmizlik üçün nəzərdə tutulan müəssisə hazırda natəmizlik içində itib-batır. Bura Bakının Balaxanı qəsəbəsi yaxınlığında fəhlələr üçün tikilmiş hamamdır. İlkin məlumata görə, betondan tikilən hamam ötən əsrin 30-40-cı illərinə aiddir. Ancaq sakinlərin sözlərinə görə, tikilinin tarixi bir qədər əvvələ dayanır – yəni 1880-90-cı illərə. Əvvəllər hamamın qarşısında fəhlələr üçün yeməkxana, yaxınlıqda isə poliklinikanın olduğu da bildirilir.