Xəzər dənizinin sahilində amerikalı aktyor, kinoprodüser, ssenarist, kinorejissor, musiqiçi və aykido ustası Stiven Siqalın imzalı ulduzu qoyulub. Bununla bağlı tədbir "Sea Breeze" Bakıətrafı kurort ərazisindəki "Walk of Fame" Ulduzlar xiyabanında keçirilib. Azərbaycanın Xalq artisti Emin Ağalarov (EMIN) tərəfindən yaradılan Ulduzlar xiyabanında Müslüm Maqomayev, Tamara Sinyavskaya, Nani Breqvadze, Alessandro Safina və Engelbert Hamperdinkin imzalı ulduzları var.