Fransanın müstəmləkəçilik siyasətinə qarşı anti-imperialist mövqeləri ilə tanınan Pan-Afrikaçı siyasi fəal, jurnalist Kemi Seba Bakıda mətbuat konfransı keçirib. Kemi Seba vurğulayıb ki, Fransa hökuməti ilhaq etdiyi ərazilərdə yerli xalqın irsini silmək siyasəti yeridir. O bildirib ki, Fransa bu gün Azərbaycana Qarabağ məsələsində dərs keçməyə çalışır, amma Afrikadakı müstəmləkələrində insan hüquqlarına hörmət etmir. Kemi Seba həmçinin qlobal neokolonializmə qarşı mübarizədə Azərbaycan tərəfi ilə əməkdaşlığın davam edəcəyinə ümidvar olduğunu qeyd edib.