The Jacksons musiqi qrupunun üzvləri Bakı şəhərində gəzintiyə çıxıb, paytaxtın tarixi məkanlarını ziyarət ediblər. Qeyd edək ki, onlar iki gün əvvəl start götürən "DREAM FEST 2024" Beynəlxalq Musiqi Festivalı çərçivəsində Azərbaycana gəliblər. Xatırladaq ki, Amerikada populyar musiqi qrupu olan The Jacksons qrupu 1964-cü ildən 1990-cı ilə qədər aktiv fəaliyyət göstəriblər. Onlar daha çox R&B, soul, pop janrlarında ifa ediblər. The Jacksons musiqi qrupu 1970-ci illərin ən böyük pop-musiqi fenomenlərindən biri hesab olunub.