Oktyabr ayının 10-dan başlayan Sukot (Çadırların festivalı) bayramı yəhudilərin müqəddəs bayramı hesab edilir və 1 həftə ərzində qeyd edilir. Sukot günlərində yəhudi ailələr meyvə və güllərlə bəzədilmiş çadırlar qurub bayram günləri ərzində o çadırda daha çox vaxt keçirməyə çalışırlar. Həmin çadırlarda edilən ibadətlər zamanı dindarlar əllərində sitrus meyvəsini (etroq), xurma budağı (lulav) mərsin və bədmüşk budaqlarından ibarət dəstəni yellədirlər.