Maştağada XVIII əsrə aid “Qum hamamı”

XVIII əsrdə tikilən bu abidə 1920-ci ilin əvvəllərində qum altında aşkarlanıb. Su isti qumun altından çıxdığına görə abidə məhz “Qum hamamı” adlandırılıb. Hamam iki əsas hissədən, soyunma və yuyunma otağından ibarətdir. Qərb tərəfdən düzbucaqlı olaraq, şərqdən isə məhz yuyunma bölməsi zonasında pilləli formada tikilib. Planda oxvari zalların tin hissəsində fərdi istifadə üçün otaqlar nəzərdə tutulub, ancaq hamamın çox hissəsi torpaq altında qalıb.