MMA üzrə keçirilən dünya çempionatında uğurlu nəticə əldə edən idmançılarımız vətənə dönüblər
İndoneziyanın Cakarta şəhərində təşkil olunan MMA üzrə dünya çempionatında iştirak edən idmançılarımız vətənə qayıdıblar. Dünya çempionatında U-12 yaş qrupunda Adəm Əsgərov (42 kq) bürünc medal qazanıb. U-16 yaş kateqoriyası üzrə Əli Məmmədli (58 kq) qızıl medala sahib olub. U-18 üzrə Şamil Şərifzadə (79 kq) gümüş, Əli Ağayev (56 kq) bürünc medal əldə ediblər. Böyüklər arasında isə Ehtiram Dərvişov (61 kq) gümüş, Sərdar Sərdarlı (65 kq) və Tofiq Niftəliyev (120 kq) bürünc medala yiyələniblər.
Digər fotolar
