Nardaran və Ləhiş qəsəbələri arasında yerləşən “Üç ovdan” abidəsi

Abşeron yarımadasının quraq ərazilərində su çatışmazlığı problemi ovdanların köməyi ilə həll edilirdi. Azərbaycan ərazisində qorunub saxlanılan ovdanların ən parlaq nümunələrindən biri Nardaran və Ləhiş qəsəbələri arasında yerləşən “Üç ovdan” abidəsidir. Bu ovdanların təxmini inşa edilmə tarixi XVIII əsrə aiddir. Bəzi tədqiqatçılar ovdanlardan birinin XIX əsrə aid olduğunu ehtimal edirlər. Bu bənzəri olmayan hidrotexniki qurğular 3-5 ton su saxlaya bilir. Bu abidə ətrafdakı torpaqdan sızan suyun yığılması üçün 4-7 metr dərinlikdəki yeraltı quyuya enən pilləkənlər boyunca uzanan maili quruluşa malikdir. Ovdanları onların içindəki suyun buxarlanmasına mane olan tağ-tavan və günbəz qoruyur. Ona görə də ovdandakı su ilin ən isti vaxtında belə soyuq qalır. Bu misilsiz hidrotexniki qurğu həm də Abşeronun mədəni irsinin parlaq göstəricisidir.