Bəhreyn-2024 Gimnaziada İdman Oyunlarında uğur qazanan cüdoçularımız Vətənə qayıdıb
Bəhreynin paytaxtı Manamada Gimnaziada İdman Oyunlarında uğur qazanan cüdoçularımız Vətənə qayıdıb. Heydər Əliyev Beynəlxalq Aeroportunda keçirilən qarşılanma mərasimində Azərbaycan Cüdo Federasiyasının kollektivi, idmançıların yaxınları və media təmsilçiləri iştirak edib. Manamada keçirilən yarışda cüdoçularımız 2 qızıl, 4 gümüş, 7 bürünc medal qazanıblar. Onlar bu göstərici ilə ümumi hesabda ikinci, oğlanlar arasında birinci, qızlar arasında doqquzuncu yeri tutub.
Digər fotolar
