Bakıda keçirilən "Mercedes-Benz Fashion Week Azerbaijan"

2025-ci il mayın 15-də Bakıda "Mercedes-Benz"in strateji tərəfdaşlığı ilə rəsmi beynəlxalq tədbir olacaq "Mercedes-Benz Fashion Week (MBFW) Azerbaijan"ın ilk mövsümünün açılışı olub. Azərbaycan Moda Dizaynerləri Assosiasiyası və "Led.az Events"in təşkil etdiyi bu tədbir həm yerli, həm də beynəlxalq dizaynerlərin istedadlarını nümayiş etdirmək üçün ən parlaq platforma olacağını vəd edir. Mayın 17-dək davam edəcək "MBFW Azerbaijan" proqramı çərçivəsində İtaliya, Gürcüstan, Qazaxıstan, Türkiyə, Belarus və İsraildən olan ekspertlərin öz ideyalarını təqdim edəcəkləri təsirli şoular planlaşdırılıb. Bununla belə, tədbirin əsas nüansı dizaynerlər tərəfindən ən son texnoloji həllərin - süni intellektin, virtual və artırılmış reallığın tətbiqi olacaq. Bu yeniliklər dünya modasında əvvəllər istifadə olunmayan konseptləri həyata keçirən unikal kolleksiyalar yaratmağa imkan verəcək. Tədbir təkcə Azərbaycanın deyil, bütün dünya moda tarixində yeni mərhələyə çevriləcək canlı və ruhlandırıcı hadisə yaratmaq üçün moda, incəsənət və qabaqcıl texnologiyanı bir araya gətirir. "PhotoStock", Oxu.Az, Media.az, "Elle Uzbekistan", "Tatler Kazakhstan", "Baku Magazine", "Caspian Magazine, "&Beyond Magazine", "Nargis Magazine", "The Diary", "1News", Trend.az, Day.az, Milli.az, "25Trend", "Fiftysix Magazine" və "Brands Fashion Busines" kimi nüfuzlu nəşrlər "MBFW Azerbaijan"ın ilk mövsümünün rəsmi media tərəfdaşlarıdırlar.