SportAccord Dünya İdman və Biznes Sammiti ilə bağlı müqavilənin imzalanma mərasimi
Bakı 2026-cı il 24-28 may tarixlərində dünyada idman və biznes sahəsinin ən nüfuzlu tədbirlərindən biri olan SportAccord Dünya İdman və Biznes Sammitinə ev sahibliyi edəcək. Bununla bağlı sentyabrın 8-də Gənclər və İdman Nazirliyi, SportAccord və Bakı Şəhər Halqasının təşkilatçılığı və iştirakı ilə müqavilənin rəsmi imzalanma mərasimi keçirilib. Tədbir zamanı Bakının 2026-cı ildə keçiriləcək SportAccord Dünya İdman və Biznes Sammitinə ev sahibi şəhər kimi təqdimatı elan olunub. İmzalanma mərasimində Gənclər və İdman Naziri Fərid Qayıbov, Milli Olimpiya Komitəsinin vitse-prezidenti Çingiz Hüseynzadə və "SportAccord"un prezidenti Uğur Erdener çıxış edib.
Digər fotolar
