Bakıda keçirilən balıq yarmarkası
Kənd Təsərrüfatı Nazirliyinin təşkilatçılığı ilə Bakıda balıq yarmarkası keçirilib. Dərnəgüldə “EuroHome” tikinti materialları bazarında yerləşən "Keşlə bazarı"nda 3 gün davam edən yarmarkada satışa çıxarılan dəniz məhsulları digər bazarlara nisbətən daha münasib qiymətlərlə təklif olunub. Yarmarka çərçivəsində dünyanın müxtəlif bölgələrindən gətirilən, eləcə də Xəzər dənizindən tutulan balıq və digər dəniz məhsullarının satışı həyata keçirilib. Ziyarətçilərə geniş çeşiddə diri, təzə, dondurulmuş, soyuq və isti hislənmiş, duzlu və ədviyyatlı, qurudulmuş balıqlar, kürülər, konservləşdirilmiş məhsullar və digər dəniz məhsulları təqdim olunub.
Digər fotolar
