Güləş üzrə U-17 dünya çempionatının ikinci günü

Bakıda keçirilən güləş üzrə U-17 dünya çempionatının ikinci yarış günündə Azərbaycanın beş yunan-Roma güləşçisi mübarizəyə qoşulacaq. Bu gün həm təsnifat mərhələsinin görüşləri, həm də ilk medal qarşılaşmaları baş tutacaq. Azərbaycan idmançılarından İsfahan Həsənov (80 kq) qızıl medal uğrunda final görüşünə çıxacaq. Orxan Həbibli (65 kq) və Ömər Salmanov (48 kq) isə bürünc medal uğrunda yarışacaq. Onların rəqibləri bu gün müəyyənləşəcək. Təsnifat mərhələsində isə aşağıdakı güləşçilər mübarizə aparacaqlar: 45 kq: Əli Cavadlı-Ognyan Burqazov (Bolqarıstan) 51 kq: Abdulrəhman Hüseynli-Kuanışbek Jangajol (Qazaxıstan) 60 kq: Elmir Çərkəzov-Nurali Asker (Qazaxıstan) 71 kq: Nadir Həsənov-Mehdi Azizboev (Tacikistan) 92 kq: Zöhrab Səfərov-Hlib Yevsieyev. Günün final görüşündə isə 80 kq çəki dərəcəsində İsfahan Həsənov İran təmsilçisi Alireza Hassan Rezai ilə çempionluq uğrunda qarşılaşacaq. Qeyd edək ki, U-17 dünya çempionatı Bakıda Milli Gimnastika Arenasında keçirilir. Yarışda 60-dan çox ölkədən 700-ə yaxın yeniyetmə güləşçi iştirak edir. Azərbaycan mundialda 29 idmançı ilə təmsil olunur. Dünya çempionatına avqustun 2-də yekun vurulacaq.