#milli qəhrəman
Milli Qəhrəman
"Azərbaycanın Milli Qəhrəmanı" adı Azərbaycan Respublikasının ən yüksək fərqlənmə dərəcəsidir. Bu fəxri ad 25 mart 1992-ci il tarixli Qanunla təsis edilmişdir. Ad Azərbaycan Respublikasının müstəqilliyi, ərazi bütövlüyü və tərəqqisi naminə xalq qarşısında müstəsna xidmətlərə və rəşadətə görə verilir. Milli Qəhrəmanlara xüsusi fərqlənmə nişanı – səkkizguşəli "Qızıl Ulduz" medalı təqdim edilir. Bu ad Prezidentin Sərəncamı ilə həm sağlığında, həm də ölümündən sonra verilə bilər və xüsusi sosial güzəştlər müəyyən edilir.
