Məscid onun inşasını sifariş etmiş Tuba Şahi xanımın adını daşıyır. Tikili üzərindəki kitabədən onun inşa tarixinin 1481-1482-ci illər olduğu bəlli olur. Məscidin divarına hörülmüş ikinci kitabə məscidin özündən daha qədim tarixə malikdir və ehtimal ki, kəndin köhnə məscid binasına məxsusdur. Kitabədə məscidin inşasının hicri 774-cü ildə (miladi 1372) hacı Bəhaəddin tərəfindən sifarişi verilməsi qeyd edilib.