Dairəvi Mərdəkan qalası və ya Kiçik Mərdəkan qəsri Bakının Mərdəkan qəsəbəsində yerləşən tarix-memarlıq abidəsidir. Yerli əhəngdaşından hörülmüş qala üç mərtəbədən ibarətdir, hündürlüyü isə 16 metr təşkil edir. Mərtəbələr bir-birilə divarın içində qurulan pilləkənlə əlaqələnir. Qalanın üzərindəki daş kitabənin məzmunundan məlum olur ki, qəsr 1232-ci ildə inşa edilmişdir.