Laçının ərazisi şəlalələr, narzan tipli mineral bulaqlar, karst mağaraları kimi geoloji təbiət abidələri ilə çox zəngindir. Bir sözlə, Laçın dedikdə göz önündə bənzərsiz heyranedici gözəllik canlanır. Rayonun hər daşı, qayası, hər qarışı tarixdir. Burada yerləşən Minkənd dağ şəlaləsi və Qalaça şəlaləsi Laçının əsrarəngiz təbiəti haqqında aydın təsəvvür yaradır.