Sentyabrın 23-dən Xankəndi şəhərində yerləşən Qarabağ Universitetində tədris prosesinə başlanılıb. 2024/2025-ci tədris ili üzrə universitetə 1104 nəfər qəbul olub və qəbul planı 98,5 faiz dolub. İlkin mərhələdə universitetdə kadr hazırlığı 6 fakültədə aparılacaq, Tələbələrin nəzəri biliklərinin praktiki bacarıqlarla möhkəmləndirilməsi üçün burada 6 laboratoriya yaradılıb. Qarabağ Universiteti hazırda 3 tədris binasında yerləşir.