Zəngilan rayonunda yerləşən “Sarıqışlaq” Su Elektrik Stansiyası

“Sarıqışlaq” SES Oxçuçayın üzərində kaskad üsulla tikilən Zəngilan silsiləsindəki 4 SES-dən biridir. Stansiyada 110 kV-luq açıq paylayıcı qurğu tikilib. Yaşıl enerji zonası konsepsiyasına uyğun olaraq tikilən “Sarıqışlaq” SES-də eyni vaxtda derivasiya borularının montajı, maşın zalının tikilməsi, açıq paylayıcının qurulması normativ qaydalara uyğun həyata keçirilib. Flora və faunanın qorunması üçün xüsusi qurğular quraşdırılmaqla yaradılan baş suqəbuledicidən çıxan suyun 35 faizi çay məcrasında saxlanılmaqla derivasiya boruları çəkilib.