Rəcəb Tayyib Ərdoğan
Rəcəb Tayyib Ərdoğan 26 fevral 1954-cü ildə İstanbulda anadan olmuşdur. Siyasi fəaliyyətinə gənc yaşlarından başlayan Ərdoğan, ali təhsilini Mərmərə Universitetinin İqtisadi və Ticari Elmlər Fakültəsində tamamlamışdır. Onun siyasi karyerasında ilk mühüm mərhələ 1994-cü ildə İstanbul Böyükşəhər Bələdiyyəsinin sədri seçilməsi olmuşdur. Bu vəzifədə şəhər infrastrukturunda apardığı uğurlu islahatlar ona geniş rəğbət qazandırmışdır. 2001-ci ildə Ədalət və İnkişaf Partiyasını (AKP) təsis edən Ərdoğan, partiyanın 2002-ci il seçkilərində qələbəsindən sonra 2003-2014-cü illərdə Türkiyə Respublikasının Baş naziri kimi fəaliyyət göstərmişdir....
Baş nazirlik dövrü Türkiyə iqtisadiyyatında böyümə, böyük infrastruktur layihələri və Avropa İttifaqı ilə münasibətlərdə inkişaf ilə yadda qalmışdır. 2014-cü ildə Türkiyənin birbaşa xalq səsverməsi ilə seçilən ilk prezidenti olmuş, 2018 və 2023-cü illərdə yenidən bu vəzifəyə seçilərək ölkənin siyasi sistemini prezident idarəetmə sisteminə keçirmişdir. Onun liderliyi dövründə Türkiyə müdafiə sənayesi, xarici siyasət və regional təhlükəsizlik sahəsində qlobal güc olaraq mövqeyini möhkəmləndirmişdir. Ərdoğan "Bir Millət, İki Dövlət" prinsipinə sadiq qalaraq Azərbaycan-Türkiyə münasibətlərinin strateji müttəfiqlik səviyyəsinə yüksəlməsində həlledici rol oynamışdır. O, daxildə "terrorsuz Türkiyə" hədəfi ilə qətiyyətli addımlar atır və ölkəni müasir sivilizasiyalar səviyyəsinə qaldırmağı əsas vəzifə hesab edir.
Daha çox