Nizami rayonunda yerləşən Krişna məbədi

Dünyada Beynəlxalq Krişna Şüuru Cəmiyyəti, Azərbaycanda Bakı Krişna Şüuru Dini İcması adını daşıyır. Dini icmanın əsası 1896-1977-ci illərdə yaşamış hindistanlı Prabhupada tərəfindən qoyulub. Qədim Veda fəlsəfəsi əsasında formalaşan və Vaişnavizm adlanan dini cərəyanın əsasını qoyan bu şəxs 1965-ci ildə Hindistandan ABŞ-a köçür və bu ideyaları dünyaya yayır, kitablar yazmağa başlayır. Azərbaycanda isə bu icma fəaliyyətinə hələ Sovet dövründə, lakin gizli şəkildə başlayıb. Sovet hakimiyyətinin son illərində, müstəqillik dövründən etibarən isə bu mərkəz və dini cərəyanın tərəfdarları müstəqil şəkildə fəaliyyət göstərməyə və təbliğat aparmağa başlayırlar.