Mozaikaların əhatəsində rəngarəng Bakı lövhələri

Bakı memarlığının unikallığı qədimliklə müasirliyin birləşməsindədir. Azərbaycan paytaxtı binalar üzərindəki daş oymalar, heykəllər, şəbəkə şüşələrlə yanaşı, əl əməyi, göz nuru tələb edən müxtəlif ölçülü mozaikalarla da öyünə bilər. Qədimlərdə imperatorların saraylarının içini bəzəyən mozaika Bakının müxtəlif ünvanlarında yerləşən binaların fasadlarına, parkların divarlarına yaraşıq verir. Paytaxtda mozaikadan binaların həm eksteryerində, həm də interyerində ustalıqla istifadə olunur.