“EkoSfera” Sosial Ekoloji Mərkəzinin təşkil etdiyi aksiya
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində “EkoSfera” Sosial Ekoloji Mərkəzi uşaqların və gənclərin planeti, ətraf mühiti qorumaqla bağlı çağırışlarını əks etdirən aksiya keçirib. Aksiyanın məqsədi iqlim dəyişikliyinin qarşısını almaq və təsirini azaltmaq üçün əhali arasında məlumatlılığı artırmaqdır. Tədbir zamanı uşaqlar ətraf mühit problemlərinin həll yollarını əks etdirən rəsmlərini nümayiş ediblər. Bu rəsmlərdə külək turbinləri, günəş panelləri kimi bərpaolunan enerji mənbələri, həmçinin iqlim dəyişikliyi və plastik tullantıların heyvanlara təsiri kimi mövzular əks olunub. Aksiya çərçivəsində uşaqlar həmçinin Azərbaycan musiqiləri ifa edərək rəqs ediblər.
Digər fotolar
