Bakı Konqres Mərkəzi

Bakıda keçirilən İslam İnkişaf Bankı (IsDB) Qrupunun 51-ci İllik Toplantısının ikinci günü çərçivəsində tədbirlər davam edir.  "Dayanıqlı rifah naminə regional inteqrasiya" mövzusuna həsr edilən tədbir çərçivəsində İİB Qrupuna üzv olan 57 ölkə arasında iqtisadi əməkdaşlıq, davamlı inkişafın gücləndirilməsi istiqamətində müzakirələr aparılır. 2026-cı ilin İllik Toplantıları Azərbaycanın son 16 ildə IsDB Qrupunun əsas beynəlxalq tədbirinə ikinci dəfə ev sahibliyi etməsini qeyd edir. Toplantılara maliyyə, iqtisadiyyat, planlaşdırma və beynəlxalq inkişaf sahələrinə cavabdeh nazirlər, həmçinin aparıcı beynəlxalq maliyyə institutlarının, qlobal inkişaf təşkilatlarının və strateji tərəfdaşların yüksəksəviyyəli nümayəndələri qatılırlar. Bu tədbir ümumi inkişaf prioritetlərinin həllinə və dayanıqlı sosial-iqtisadi tərəqqinin irəlilədilməsinə yönəlmiş dialoq, əməkdaşlıq və bilik mübadiləsi üçün yüksəksəviyyəli platforma təmin edir.