UEFA Konfrans Liqasının pley-off mərhələsinin cavab oyunu: "Qarabağ" - "Tvente"
UEFA Konfrans Liqasının pley-off mərhələsinin cavab oyununda “Qarabağ” Niderlandın “Tvente” komandası ilə qarşılaşıb. Tofiq Bəhramov adına Respublika stadionunda keçirilən qarşılaşmanın ilk hissəsi qolsuz başa çatıb. 59-cu dəqiqədə Kadi Borges Azərbaycan təmsilçisini hesabda önə keçirib – 1:0. “Tvente” 80-ci dəqiqədə Marko Pyatsanın qolu ilə hesabı bərabərləşdirib. Niderland təmsilçisi 90+2-ci dəqiqədə Maks Bryunsun qolu ilə önə keçib – 2:1. Əsas vaxt bu hesabla yekunlaşıb. Niderlandda keçirilən ilk oyunda “Qarabağ” 1:0 hesabı ilə qalib gəldiyi üçün iki matçın ümumi hesabı 2:2 olub və qarşılaşmada əlavə vaxta ehtiyac yaranıb. Əlavə vaxtın 94-cü dəqiqəsində Vaut Veqhorst Enşede komandasının növbəti qoluna imza ataraq hesabı 3:1 edib. 106-cı dəqiqədə Marko Yankoviç qırmızı vərəqə alaraq “Qarabağ”ı azlıqda qoyub. 115-ci dəqiqədə Yunes Taha fərqlənərək hesabı 4:1 edib. Beləliklə, “Qarabağ” ardıcıl 12 mövsüm davam edən avrokubokların əsas mərhələsindəki iştirakını bu dəfə pley-off mərhələsində başa vurub.
