#buğda
buğda
Buğda (Triticum) qırtıckimilər fəsiləsinə aid olub, dünyada ən çox becərilən və əsas ərzaq məhsulu sayılır. O, eramızdan əvvəl 7-8 min il əvvəl Qərbi Asiyada becərilməyə başlanmışdır. Buğda dəni karbohidratlar (60%-dən çox) və zülal (20%-ə qədər) ilə zəngindir, həmçinin B qrupu vitaminlərini, dəmiri və sellülozu ehtiva edir. Buğdanın zülalı qlüten əmələ gətirmək xüsusiyyətinə malikdir ki, bu da onu un və çörək-bulka məmulatları istehsalı üçün əvəzolunmaz edir. Onun əsas növləri yumşaq və bərk buğdadır.
