Elşən Musayev

Azərbaycanın müasir siyasi sistemində gənc və dinamik deputatların qanunvericilik prosesində fəal iştirakı dövlətçilik ənənələrinin möhkəmlənməsinə xidmət edir. Bu istiqamətdə seçilən simalardan biri də Azərbaycan Respublikası Milli Məclisinin deputatı və Azərbaycan Demokratik Maarifçilik Partiyasının (ADMP) sədri Elşən Musayevdir. O, həm bir partiya rəhbəri, həm də parlament üzvü kimi ölkənin ictimai-siyasi həyatında mühüm rol oynayır. Elşən Musayevin deputatlıq fəaliyyəti geniş spektrli məsələləri əhatə edir. O, Milli Məclisdə təmsil olunduğu müddət ərzində Hüquq siyasəti və dövlət quruculuğu həmçinin Müdafiə, təhlükəsizlik və korrupsiya ilə mübarizə komitələrinin üzvü kimi qanun layihələrinin hazırlanmasında və təkmilləşdirilməsində yaxından iştirak edir. Onun çıxışları hər zaman dövlət maraqlarının müdafiəsi, milli birliyin qorunması və siyasi dialoqun inkişafı prinsiplərinə əsaslanır. Parlament fəaliyyəti ilə yanaşı, Elşən Musayev beynəlxalq müstəvidə də Azərbaycanı fəal təmsil edən deputatlardandır. O, müxtəlif ölkələrlə parlamentlərarası dostluq qruplarının üzvü olaraq Azərbaycan həqiqətlərinin dünya ictimaiyyətinə çatdırılmasında, həmçinin ölkəmizin xarici siyasət kursunun dəstəklənməsində səy göstərir. Media ilə sıx ünsiyyətdə olan Elşən Musayev, aktual siyasi hadisələrə verdiyi operativ və analitik şərhləri ilə də cəmiyyətdə tanınmış bir siyasətçi kimi qəbul olunur.