Fuad Bağırov

Fuad Bağırov Azərbaycan Motosiklet İdmanı Federasiyasının (AMİF) hazırkı prezidentidir. O, 2025-ci ilin may ayının 30-da keçirilən ümumi yığıncaq nəticəsində Federasiyaya rəhbər seçilmişdir. Bakı şəhərində anadan olan (1978-ci il) Fuad Bağırov Azərbaycan Dövlət Neft və Sənaye Universitetini bitirmiş və daha əvvəl Fövqəladə Hallar Nazirliyində çalışmışdır. Federasiya prezidenti vəzifəsinə gəlməzdən əvvəl Fuad Bağırov 10 ildən artıq müddətdə "Motoidman Klubu"nun prezidenti kimi fəaliyyət göstərmişdir. Bu müddət ərzində o, motosikletlə 6 dəfə Azərbaycandan Avropaya keçid edərək beynəlxalq təcrübə qazanmışdır. Bu səfərlər zamanı Almaniya, İtaliya, Fransa, Niderland və Macarıstan kimi ölkələrdə olaraq motosiklet idmanı sahəsində əhəmiyyətli biliklər toplamışdır. Yeni rəhbərliyin əsas prioritetləri Federasiyanın infrastrukturunun inkişafı, motosiklet idmanı üzrə kütləviliyin artırılması və Azərbaycan motosportunu beynəlxalq səviyyədə dirçəltməkdir. Fuad Bağırov göstərilən etimada görə təşəkkür edərək, düzgün strategiya nəticəsində Azərbaycan motoidmanında yeni səhifə açılacağına inamını ifadə etmişdir. Onun rəhbərliyi dövründə Sabir Babayev I vitse-prezident, Emil Quliyev isə vitse-prezident vəzifəsinə seçilmişdir.