#məscid
məscid
Məscid (ərəbcə "səcdə yeri") müsəlmanların Allaha ibadət üçün tikdiyi memarlıq tikilisi və İslam dininin əsas müqəddəs məkanıdır. Qurani-Kərimdə "Allahın evləri" adlandırılan məscidlər təkcə namaz qılınan yer deyil, həm də İslamın ilk dövrlərindən etibarən cəmiyyətin maarif, təhsil, sosial münasibətlər və ictimai işlərin müzakirə olunduğu mərkəz rolunu oynamışdır. Burada insanlar birliyini möhkəmləndirir, dini biliklərini artırır və fərqli sosial statuslar aradan qalxır.
Azərbaycanın milli-mənəvi dəyərlərində xüsusi yeri olan məscidlər, işğaldan azad edilmiş Qarabağ və Şərqi Zəngəzurda da bərpa edilir. Erməni işğalı zamanı dağıdılan və təhqir edilən Ağdam Cümə məscidi, Şuşanın Gövhər Ağa məscidləri kimi tarixi abidələr, Heydər Əliyev Fondunun dəstəyi ilə ilkin memarlıq üslubuna uyğun olaraq yenidən qurulur. Bu bərpa işləri ölkənin milli yaddaşının və dini irsinin bərpasına xidmət edir.
