Patrik Mazelis

Patrik Mazelis (Patrick Maselis), dünyanı gəzən belçikalı tanınmış səyyahlardandır və ekstremal səyahət dairələrində böyük nüfuza malikdir. O, mütəmadi olaraq beynəlxalq səyyahlar qrupunun tərkibində Azərbaycana, xüsusilə də işğaldan azad edilmiş Qarabağ və Şərqi Zəngəzur ərazilərinə səfərlər edir. Mazelis 1994-cü ildə ilk dəfə Azərbaycana gəldiyini vurğulayaraq, ölkənin son 30 ildəki sürətli inkişafının və tərəqqisinin böyük fərqini gördüyünü bildirib. O, hər zaman Qarabağın Azərbaycanın ayrılmaz hissəsi olduğuna və öz ərazilərinin geri qaytarılacağına inandığını qeyd edib. Patrik Mazelis Qarabağda aparılan nəhəng bərpa və quruculuq işlərindən heyran qaldığını və bu bölgələrin turizm üçün tam açılmasından sonra yenidən ziyarət etmək arzusunu ifadə edir. Onun səfərləri Qarabağ həqiqətlərinin dünya ictimaiyyətinə çatdırılması baxımından böyük əhəmiyyət daşıyır.