#qarabağ atları meydanı
Qarabağ atları meydanı
Dekabrın 29-da Bakı Ağ Şəhər layihəsi ərazisində "Qarabağ atları" heykəltaraşlıq kompleksinin təntənəli açılış mərasimi baş tutmuşdur. Bu əzəmətli abidə Azərbaycanın Vətən müharibəsindəki möhtəşəm Qələbəsinə həsr edilmişdir və milli irsimizin, igidliyin və qürurun rəmzi kimi xüsusi əhəmiyyət daşıyır.
Heykəltaraşlıq kompleksi eyniadlı meydanda ucaldılmışdır. Kompozisiya ABŞ-dan olan məşhur heykəltaraş Robert Sammers tərəfindən yaradılmışdır və ümumilikdə 7 Qarabağ atının heykəlini özündə birləşdirir. Bu atların adları — "Soltan", "Ürək", "Sereyin", "Aypara", "Şöhrət", "Ötqəm" və "İldırım"dır. Bu unikal kompleksin təməli 2022-ci ilin dekabr ayında Azərbaycan Respublikasının Prezidenti tərəfindən qoyulmuşdur. Abidə Ağ Şəhərin mühüm memarlıq incisinə çevrilmişdir.
