#şahbuz
Şahbuz
Şahbuz rayonu Naxçıvan Muxtar Respublikasının şimalında, Zəngəzur və Dərələyəz silsilələrinin yamaclarında yerləşən, bol sulu, füsunkar təbiətə malik bölgədir. Rayonun ən yüksək zirvəsi Salvarti dağıdır.
Şahbuz əsasən ekoturizm və sağlamlıq turizmi potensialı ilə tanınır. Burada məşhur Badamlı mineral suları qrupu, üzən torf adası ilə diqqət çəkən Batabat gölü və Ağbulaq Kənd Turizm-İstirahət və Xizək Mərkəzi yerləşir. Rayon ərazisində Eneolit dövründən orta əsrlərə aid tarixi və memarlıq abidələri qeydə alınmışdır. Şahbuz, təmiz havası və biomüxtəlifliyi ilə Naxçıvanın mühüm turizm məkanlarındandır.
