#solmaz ağayeva
Solmaz Ağayeva
"Böyük Qayıdış" proqramı çərçivəsində işğaldan azad edilmiş torpaqlarımıza köç edən ailələrin sayı günbəgün artır. Bu tarixi prosesin iştirakçılarından biri də Cəbrayıl rayonunun Horovlu kənd sakini Solmaz Ağayevadır.
Otuz ildən artıq davam edən məcburi köçkünlük həyatından sonra Solmaz xanım dövlətin dəstəyi ilə öz doğma ocağına qayıdıb. O, respublikanın müxtəlif yerlərində müvəqqəti məskunlaşma yerlərindən Horovlu kəndində yeni inşa edilmiş, müasir kommunal şəraiti olan evinə köçürülüb. Bu qayıdış həm illərdir bitməyən həsrətin sonu, həm də azad Qarabağda qurulan yeni və firavan həyatın başlanğıcıdır. Horovlu sakini kimi Solmaz Ağayeva kəndin sosial-iqtisadi dirçəlişinə və ənənələrin bərpasına öz töhfəsini verəcəkdir.
