#şou
şou
Şou (ingiliscə show) geniş auditoriyanın əyləncəsi və marağını cəlb etmək məqsədilə təşkil edilən, adətən bədii və ya dramatik elementləri özündə birləşdirən kütləvi tədbirdir. Şou termini çox geniş anlayışdır və teatr tamaşalarından, konsertlərdən, televiziya proqramlarından, moda nümayişlərindən və xüsusi effeklərlə zənginləşdirilmiş səhnə performanslarından ibarət ola bilər .
Şouların əsas məqsədi tamaşaçını informasiya verməkdən çox, emosional təsirə məruz qoymaq, heyrətləndirmək və əyləndirməkdir. Müasir şoular adətən yüksək texnologiyalı işıqlandırma, səs effektləri, xoreoqrafiya və peşəkar aktyorların və ya ifaçıların iştirakı ilə fərqlənir. Şou-biznes sənaye və iqtisadiyyatın əhəmiyyətli bir sahəsidir.
