TOS1A Solntsepyok

TOS-1A "Solntsepyok" — düşmənin canlı qüvvəsini, açıq və qapalı atəş mövqelərini, habelə zirehli texnikasını məhv etmək üçün nəzərdə tutulmuş ağır odsaçan sistemdir. T-72 tankının şassisi üzərində qurulan bu sistem yüksək mühafizəyə və keçid qabiliyyətinə malikdir. TOS-1A-nın əsas silahı 220 mm-lik termobarik (həcmli partlayış) raketləridir. Bu raketlər hədəfə çatdıqda yanacaq-hava buludu yaradır və dərhal onu partladır. Nəticədə yaranan yüksək temperatur və təzyiq dalğası sığınacaqlarda, bunkerlərdə və mağaralarda gizlənən düşmən qüvvələrini tamamilə zərərsizləşdirir. Azərbaycan Ordusunun arsenalında yer alan "Solntsepyok" sistemləri Vətən müharibəsi zamanı çətin keçilən relyeflərdə yerləşən düşmən istehkamlarının yarıılmasında dəhşətli sarsıdıcı güc nümayiş etdirmişdir. Qısa müddətdə geniş ərazini od bürüyən bu texnika müasir döyüşlərin ən qorxulu silahlarından biri hesab olunur.