Xarici Kəşfiyyat Xidməti

Azərbaycan Respublikası Xarici Kəşfiyyat Xidməti (XKX) ölkənin milli təhlükəsizlik sistemində strateji rol oynayan xüsusi dövlət orqanıdır. Azərbaycan Prezidentinin sərəncamı ilə 2015-ci ilin dekabr ayında yaradılan XKX, dövlətin xarici təhlükələrdən qorunmasını əsas vəzifə olaraq qarşısına qoyur. Xidmətin fəaliyyəti, Azərbaycanın milli maraqlarına və ərazi bütövlüyünə zərər verə biləcək addımların və planların ölkə ərazisindən kənarda, onların hazırlandığı yerlərdə qarşısının alınmasına yönəlib. XKX-nin əsas funksiyaları xarici mənbələrdən kəşfiyyat məlumatlarının toplanması, analizi, qiymətləndirilməsi və dövlətin qərarverici orqanlarına vaxtında ötürülməsidir. Bu məlumatlar milli təhlükəsizlik strategiyasının formalaşmasında mühüm rol oynayır. Xidmətin "Yarasa" Xüsusi Bölmələri İkinci Qarabağ müharibəsində düşmənin arxa cəbhəsində xüsusi tapşırıqları yerinə yetirərək mühüm nailiyyətlər əld etmişdir. XKX müasir dövrdə artan transmilli təhdidlərə, kibertəhlükəsizlik və hibrid müharibə risklərinə qarşı mübarizədə peşəkarlığı və texnoloji imkanları ilə seçilir.