Güləş üzrə U-17 dünya çempionatının dördüncü günü

Bakıda keçirilən U-17 dünya güləş çempionatı davam edir. Yarışın dördüncü günündə Azərbaycan millisinin beş qadın güləşçisi mübarizəyə qoşulub. 53 kq çəki dərəcəsində çıxış edən Fatimə Bayramova uğurlu çıxış edərək əvvəlcə təsnifat mərhələsində israilli Sela Rozovu, daha sonra isə 1/8 finalda moldovalı Ruslana Karapetiantı hər iki görüşdə 11:0 hesabı ilə məğlub edərək növbəti mərhələyə yüksəlib. 61 kq çəki dərəcəsində mübarizə aparan Fidan Babayeva isə ilk görüşündə məğlub olaraq dünya çempionatı ilə erkən vidalaşıb. Simurə Abdullayeva (69 kq), Gülxanım Şirinova (40 kq) və Nuray Cəfərli (46 kq) isə yarışda çıxışlarını davam etdirirlər. Qeyd edək ki, Milli Gimnastika Arenasında keçirilən dünya çempionatında 60-dan çox ölkədən 700-ə yaxın yeniyetmə güləşçi iştirak edir. Azərbaycan yarışda 29 idmançı ilə təmsil olunur.