Cevdet Yılmaz

Cevdet Yılmaz 2023-cü ilin iyun ayından etibarən Türkiyə Respublikasının vitse-prezidenti vəzifəsini icra edir. 1967-ci ildə Bingöldə anadan olan C.Yılmaz, yüksək akademik göstəriciləri və iqtisadi idarəetmə sahəsindəki dərin təcrübəsi ilə tanınan nüfuzlu dövlət xadimidir. O, ODTÜ-nü birinciliklə bitirdikdən sonra ABŞ-ın Denver Universitetində magistr, Bilkent Universitetində isə doktorluq dərəcəsi almışdır. Siyasi karyerası ərzində müxtəlif hökumətlərdə dövlət naziri, inkişaf naziri və baş nazirin müavini kimi məsul vəzifələrdə çalışmışdır. Cevdet Yılmaz həmçinin uzun illər Türkiyə Böyük Millət Məclisinin üzvü və Plan və Büdcə Komissiyasının sədri kimi fəaliyyət göstərib. Vitse-prezident olaraq o, ölkənin iqtisadi kordinasiyası, dövlət proqramlarının icrası və regional layihələrin idarə olunmasında mərkəzi rol oynayır. Xüsusilə Azərbaycanla Türkiyə arasındakı iqtisadi və siyasi əlaqələrin inkişafına mühüm töhfələr verən C.Yılmaz, hər iki ölkənin strateji tərəfdaşlığının güclənməsində aktiv iştirak edir.