#əsgər çəkməsi
əsgər çəkməsi
“Zəfər Yolu” əsəri Azərbaycanın İkinci Qarabağ müharibəsində qazandığı tarixi Qələbənin ruhunu və əhəmiyyətini əks etdirən, gənc heykəltaraş Cavidan Rəhmətovun yaratdığı möhtəşəm sənət nümunəsidir. Bu əsər 44 gün davam edən Vətən Müharibəsi dövründə xalqın göstərdiyi iradəni, qəhrəmanlığı və Zəfər əzmini tərənnüm edir.
Əsərin əsas mövzusu Qarabağın azadlığı uğrunda canından keçən şəhidlərin xatirəsinə hörmət, qazilərə minnətdarlıq və Azərbaycan Ordusunun yenilməz ruhunun simvolizasiyasıdır. "Zəfər Yolu" heykəltaraşlığın dili ilə milli qürur hissini gücləndirir və gələcək nəsillərə böyük tarixi hadisənin yaddaşını ötürür. Əsər həm texniki icra baxımından, həm də daşıdığı bədii-ideoloji yük baxımından böyük dəyərə malikdir, gənc heykəltaraşın vətənpərvərlik ruhunun təcəssümüdür.
