#muzey
muzey
Muzey (yunanca Mouseion sözündən) bəşəriyyətin və təbiətin inkişafı ilə bağlı elmi, bədii, tarixi və mədəni əhəmiyyətə malik eksponatları komplektləşdirən, mühafizə edən, öyrənən, nümayiş etdirən elmi-maarif müəssisəsidir. Muzeylər ötən əsrlərin hadisələrindən xəbər verən maddi və mənəvi sərvətlərin "xəzinəsi" sayılır. Onların əsas funksiyası mədəni irsin qorunub saxlanılması və gələcək nəsillərə çatdırılmasıdır.
Muzeylər mahiyyətinə görə müxtəlif təmayüllü olur: tarix, incəsənət, arxeologiya, etnoqrafiya, təbiət tarixi, memorial və s. Nümayiş olunan hər bir eksponat xalqın tarixini, qədimliyini və milli kimliyini əks etdirir. Müasir muzeylər, həmçinin, yeni texnologiyalardan istifadə edərək təhsil, tərbiyə və kommunikasiya mərkəzi kimi fəaliyyət göstərir.
